Defence Ministry-i Indian Navy nung tetsürtem züngoktsü

New Delhi, Yimpoksüi/November 02, 2018: Tanü Sena Bhawan, New Delhi nung Naval Commanders Conference nung Defence Minister, Nirmala Sitharaman adenba noksa nung angur.

New Delhi, Yimpoksüi/November 02 (Agencies): Ministry of Defence-i Indian Navy nung tetsürtem ‘sailors’ ama züngoktsü atema telemtetba agiogo. Tetsürtemji non-officer cadre asutsü.
Osang angazükba agi, New Delhi nung Navy Commanders senden nung Defence Minister, Nirmala Sitharaman-i tetsürtem navy nung züngoktsü atema benoka liasü, aser Navy tongti, Sunil Lanba-i ibaji agizükogo.
Tawa tetsür troki akümba crew nung INSV Tarini ji mezüngbuba Indian all-woman crew liasü, aser tetsürtem temejai iba rong nung alima longa senzü. Iba expedition ji shilem trok küma lemsar agi aser parnoki anogo 254 tsüngda Fremantle (Australia), Lyttleton (New Zealand), Port Stanley (Falkland Islands), Cape Town (South Africa) aser Mauritius nung anenzüka senzü.
2015 küm sorkari Indian Air Force nung tetsürtem fighter pilots züngoka liasü.