Defence nung SC/STs atema mapa tazüng 6,600 lir: Parrikar

New Delhi, December 18 (Agencies) : Defence sector nung SC/STs atema wazüka yutsüba mapa 6,600 den teimba tazüng lir, ta Lok Sabha nung osang metetdaktsü.
Hokolbarnü defence minister Manohar Parrikar-i tezüluba ka nung telangzüba agütsüdang, defence establishment nung Schedule Caste atema mapa 3,430 aser Schedule Tribe atema mapa 3,182 tazüng lir, ta metetdaktsü.
April 28, 2015 tashi nung aliba mapa tazüngtem rongnung teimbaji Department of Defence Production nung lir aser iba department nung mapa tazüng 2,572 lir. Iba sülen Navy (defence civilians) nung 1,971 lir, ta defence minister-i metetdaktsü.
Defence establishment-i pei pei website nung SC/ST atema mapa tazüng aliba osang metetdakjang ta tetuyuba agütsüogo, ta Parrikar-isa ashi.
SC/ST atema wazüka yutsüba mapa tazüng nung nübo shimokba maparen reprangshimtsü tema Committee of Officers tentettsü tetuyuba agütsüogo. SC indang mapa nung De-reservation memelar aser DoPT-i lateta aliba temzüng kübok bangdak defence establishments-i SC/ST mapatem nung nübo shimoktsü metetdaktsüogo, ta paisa shisem.