DefExpo 2016 nung company 900 dak temai shilem agitsü

Panaji, February 27 (Agencies) : DefExpo 2016 nung defence dak sentakba company tem 900 dak tema shilem agitsü, ta Honibarnü Defence Minister Manohar Parrikar-i metetdaktsüba mapang international B2B sentong ya teti atema Goa-i belentsü, ta shisem.
Osangbener teshimtet kar den defence ministry camp nung jembiba mapang pai, Bharat Forge company dena company pezüi March 28 nü akatsü aliba sentong nungji India nung yanglutetba prangpongtem sayatsü, ta ashi.
“DefExpo 2016 nung shilem agitsü asoshi onoki linük 117 den company 900 dak tema jaoka lir,” ta Make in India atema iba ya mapa tajung ka asütsü ta ashiba mapang Parrikar-i ashi.
Paisa ashiba agi, iba sentong nung defence minister tem aser US nungi star general pezü adentsü.
Iba sentong ya Panaji anüolentip tsütsü aliba Betul village, Goa nung anogo pezünü amungtsü.