Bengaluru, January 14 (Agencies): World No. 11, Tommy Sugiarto-i aniba Delhi Acers teloki points 3-2 agi Chennai Smashers telok madak takok ngua tang tasayadak Premier Badminton League (PBL) asayamong final-i tanü brehostibar nü iogo.
India tsür, P V Sindhu-i points 15-6, 15-7 ngua P C Thulasi trump asaya nung akokba sülen par Chennai telok jenjang tajungba kümdaktsü.
Chris Adcock o Pia Zebadiah natia points 15-9, 15- 14 agi Delhi asayar, Gabrielle Adcock o Koo Keat Kien na tsükdakja par Chennai telok temaba jenjang nung yutsü.
Ajisüaka, Koo Keat Kien o Tan Boon Heong nati points 15-10, 15-14 ngua Chennai asayar, Chris Adcock o Pranaav Chopra na tebur doubles asaya nung tsükdakja par Delhi telok jenjang tajungba küma melenshitsü.
Tebur singles asaya nunga, Ajay Jayaram-i points 14-15, 15-10, 15-7 ngua Chennai asayar, Sony Dwi Kuncoro madak takok ngua par Delhi telok jenjang tajungba kümdaktsü.
Chennai asyar, Chris Adcock o Pia Zebadiah nati points 15-9, 15-14 ngua Delhi asayar, Gabrielle Adcock o Koo Keat Kien na mixed doubles asaya koka par Chennai telok jenjang melenshitsü.
Ajisüaka, Sugiarto-i points 15-11, 15-10 ngua Chennai asayar, Brice Leverdez madak takok anguba yong par Delhi teloki takok ngua final asayatsü jenjang angu.
You must be logged in to post a comment Login