Delhi Acers teloki Premier Badminton League takok marok agizükogo

Bollywood actor, Akshay Kumar-i Delhi Acers telok nem Premier Badminton League asayamong takok marok & senpet sen New Delhi nung amoktsüba noksa nung angur. (New Delhi, January 18)

New Delhi, January 18 (Agencies): Delhi Acers teloki points 4-3 agi Mumbai Rockets telok final asaya nung tsükdakja Premier Badminton League (PBL) asayamong takok marok yashi, Deobar nü agizükogo.
Tommy Sugiarto; tebur doubles asyar, Koo Kien Keat o Tan Boon Heong na aser Rajiv Ouseph nungeri pei asaya koka par Delhi telok asoshi takok marok den külemi, senpet sena sen crore 3 agizüktsü.
Mixed doubles asayar, Kamilla Juhl o Vladimir Ivanov nati points 15-6, 15-12 agi Gabrielle Adcock o Akshay Dewalkar na koka par Mumbai telok jenjang tajungba kümdaktsü.
Ajisüaka, Delhi asayar, Sugiarto-i points 13-15, 15-9 15-9 agi H S Prannoy madak takok ngua telok anaprongla kasa jenjang kümdaktsü.
Keat o Heong nati points 14-15 15-10 15-14 agi Ivanov o Mathais Boe na akokba sülen par Delhi telok points 2-1 agi temaba jenjang nung ajungkettsü.
Tesülen, Mumbai asayar, Han Li-i points 12-15, 15-8, 15-8 ngua PC Thulasi madak Trump asaya akokba ajanga par telok anaprongla kasa jenjang aküm.
Ajisüaka, Delhi telok’er Trump asaya nung Ouseph-i points 15-11, 15-6 ngua RMV Gurusaidutt tsükdaktsüba yong par Delhi teloki final asayaji kokadok.