Delhi amaktsü sentong yanglur Jihadist züngsem ana puogo

New Delhi, December 16 (Agencies): Khristmas aser New Year mapang linük yimtiba, Delhi amaktsü sentong yanglur Jihadi tentet nungi züngsem ana tanü puogo aser Delhi Police indang Special Cell nung puoka lir.

Melung melemteti aliba züngsem anaji Uttar Pradesh, Sambhal district nungi asütsü ama bilemer.

Police-i tena tenüng aser tena adenba telok tenüngji mesangdong.

Special Cell telok balalai UP tesem aika nung jihadi züngsemtem mitdar, ta police ketdangser kati ashi.

Lanur ana dak Special Cell-i tenük yoka liasü, ajisüaka küm ana tejaklen tenaprong sama. Tenaji linük arrtsü adener Pakistan aser Afghanistan na nung aliba training camp tem nung alitsü südi ta bilema liasü, ta ketdangserisa ashi.

Inteligence osang ajanga tenaji Delhi nung lir ta metetdaktsüba sülen tanü tenaprong puogo.

Police-i ashiba agi, tena den kar densema parnoki Khristmas aser New Year mapang Delhi amaktsü sentong liasü, ta ketdangserisa ashi.

Lanur anaji LeT-i amentetba training camp nunga dener südi, ta paisa ashi.

Tan ita tetenzüklen LeT züngsem ana Delhi nung aliba dak sentakba nung Special Cell-i ken o ka benoka liasü.

Tenaji Pakistan occupied Kashmir (PoK) nungi linük yimtibai aru aser tongti ketdangsertem alidak lendong agütsütsü sentong lir, ta Intelligence osang ajanga metetdakja liasü.