Delhi Chief minister Kejriwal arishi küm 47 jungogo

New Delhi, August 16 (Agencies): Deobar nü AAP tongti lenir aser Delhi Chief Minister Arvind Kejriwal arishi küm 47 ajungba anogo nung Ato kilonser Narendra Modi-i phone ajanga pa den salem osang lemsatepogo.
Ato kilonser Modi-i twitter ajanga, “Delhi CM Arvind Kejriwal den jembiogo aser pa asoba anogomung nung pa den salem osang lemsatepogo. Pa nem arishi talang moajang aser anema lidakjang ta sarasademtsür,” ta ashi.
Ano Kejriwal-ia Modi dang pelaba osang lemsatepba, “Sir, nai sarasadentsüba asoshi kanga pelar. Ni kanga kongshiogo. Delhi tensa nü nem metetdaktsütsü asoshi takaraba nung na ajurutsü imlar,” ta ashi.
Delhi police dak sentakba nung Centre sorkar aser Delhi sorkar na tsüngda tashi toktepa aitsütepba mapang ka nung lenir ana tsüngda o tajung jembiogo.