Delhi court Vijay Mallya September 9 nü jaoker

New Delhi, July 09 (Agencies) : Delhi Court kati Vijay Mallya dang September 09, 2016 nü pa sasa court-i arung, ta Honibarnü metetdaktsüogo.
Vijay Mallya ya taküm March ita nungi UK nung oa jenoka lir aser India nung sen ochi mashi amshiba tsütsü pa ya aibelener nisung ka lir ta sangdongogo. Pa nem sen aputsürtemi pa ket nungi sen crore 9000 joko mapang talangka nungi meshia arur. Iba sentsüh ya tang anentsür aliba Kingfisher Airlines ajanga atsühba lir.
Enforcement Directorate (ED)-i ashiba agi, London nung Formula One World Championship mapang Mallya-i Kingfisher logo advertise asütsü atema British company ka nem sen dollar 200,000 agütsü. Ajidang masü saka ano 1996, 1997 aser 1998 küm tem nunga pai Europe linük kar nem iba kasa mapa atema sen agütsü. Item senji Reserve Bank of India den masüngdangtepi pa mulungka agi agütsü aser ibaji FERA inyakyim anema lir.