Delhi Diabetes Research Centre-i Guinness record tasen ka yanglu

New Delhi, November 6 (Agencies) : Delhi Diabetes Research Centre (DDRC)-i alima nung otsü tasen asem yanglutetogo aser itemji Deobarnü parnoki ghonda 8 nung diabetes agi shiranger nisung timtiba temang tendanga reprangba lir.
DDRC-i Aggarwal Bhawan, East Punjabi Bagh, New Delhi nung ‘specialized screening tests’ nung tenük atema ‘fundus exam’, tezüngjang atema ‘ACR’ aser tetsüng atema ‘biothesiometry’ tem dena liasü. Iba special camp nung diabetes agi shiranger nisung 340 temang tendanga reprang.
Iba sentong nung Guinness World Records nungi teshimtet nübo, Swapnil aden aser pai ‘Ghonda 8 nung diabetic patient tem retinopathy, neuropathy aser nephropathy agiba’ otsü tasen kuli agütsü.
Iba otsü meyangludang, ghonda nung diabetes agi shiranger timtiba tendanga reprangbaji 250 liasü.
“2025 tashi nung India nung diabetes aketer nisung million 70 shi asütsü ta asadangteta lir. Libaliro melenshiba ajanga diabetes kanga bulua adoker aser iba ajanga neuropathy, nephropathy, vascular diseases (cardiac, cerebral & peripheral) aser retinopathy timtem adoker. Diabetes aketertemi azü nung shinü jenjang reprangba dang masü saka diabetes agi adokdaktsüba tashidak tangatema tendangtsüla” ta DDRC chairman, Dr A K Jhingan-i tanü sentong nung metetdaktsü.