Delhi-Gurgaon lenmang nung bus operator ka zükset

Gurgaon, February 2 (Agencies): Nija bus operator, arishi küm 25 tain ka pa den toktepa passenger bushir nisung ishikati Delhi nungi Gurgaon-i aoba lenmang nung zükseta südaktsü, ta Mongulbarnü police-i ashi.

Amit Dabas ya Delhi nung alir aser Hombar nikongdang Delhi nungi Gurgaon-i aoba lenmang nung aliba IFFCO Chowk tesem anasa pa dak nisung kari azük, ta Assistant Commissioner of Police Hawa Singh-i ashi.

Iba dak sentakba nung Vinit, Pravesh, Ravinder aser Moda nunger anema Mongulbarnü ken o ka benokogo.

Dabri Chowk nungi Gurgaon anasa IFFCO Chowk tashi bus nung inyakertem passenger raktepa bushitepba tsütsülen nungi iba tasüba lendong atalok asütsü akok, ta Singh-i ashi.

You must be logged in to post a comment Login