Delhi IGI airport nung hon seret 16 apu

New Delhi, December 12 (Agencies): Hombarnü New Delhi nung aliba Indira Gandhi International (IGI) Airport nung kibong kati hon seret 16 bener lia apu, ta ketdangser kati metetdaktsü.
Kibong ka nungi züngsem troki Dubai nungi honji baby diapers aser yangkhu nung miima bener aru, ta ketdangserisa ashi.
Tanep 7:00 ako meta Yahabhai aser Moaiyadi Tasneem na Dubai nungi tonga aruba sülen tena puer ao. Tena den tetsür ana aser tanur ana dena liasü.
“Hon telong 16 bena aliba atema tayimtsü nung arur ajak sota ayu, Hon long shiaji seret kaka liasü. Honji diapers aser yangkhutem nung miima liasü,” ta Custom ketdangser kati osangbenertem dang ashi.