Delhi-Jaipur highway nung Police-i sen lakh 15.33 apu

Gurugram, December 20 (Agencies) : Delhi-Jaipur highway 8 nung police-i gari ana nungi sen lakh 15.33 apu, ta Mongulbarnü police ketdangser kati ashi.
Osang kar angashiba sülen Bilaspur kübok toll plaza tejenba nung Crime Branch Bilaspur nung tekolakba Babu Lal-i aniba teloki mita ataba mapang gari ana nungi sen lakh 15.33 ji apu.
Item gari anaji Haryana kübok Mahendergarh district nungi Delhi-i aturba liasü.
Police-i gari ka nung apuba sen lakh 6 apu. Sen ajakji tang tasen adokba sen 2000 senpaktem liasü aser gari tanabuba nung apuba sen 933,600 rongnung sen 25,000 sen 50 senpaktem aser tanüngba senji sen 100 senpaktemsa liasü, ta kasa ketdangser jagisa ashi.