Delhi: Ki chirepba lendong balala nung nisung 14 süogo

New Delhi, September 06 (Agencies): Tesüiba ita pongu tsüngda ki mesüra tsüngbang chirepba tatalokba 66 nung nisung 14 süogo aser nisung 110 dak tema yiruogo.
Item lendongji timbaka tzünglu tali aruba, ki yangludang kisüjensüba oset tamajung amshiba aser temzüng alema ki asüba kulitem ajanga lir, ta district ketdangsertemi ashi.
“July aser August ita nung ki chirepba aser tsüngbang chirepba tatalokba aika liasü. Tzünglu aruba mongpu nung anogoshia ki chirepba osang liasü. Iba ya tzünglu maneni aruba, kisüjensüba mapang oset tamajung amshiba aser temzüng alema memelaba tesem nung ki yangluba ajanga lir,” ta District Magistrate (Disaster Management), Kunal-i ashi.