New Delhi, July 19 (Agencies): Yasüng west Delhi nung ki ka chirepba lendong nung asür arishi küm 9 tetsür chanu tasümang ka tanü nikongdang jana nungi agitetogo aser ibaji densemabo asürtem ajak agi nisung pongu jungogo.
“Ki chirepba jana agi nembanga aliba tetsür chanu tasümang ka tanü nikongdang agitetogo. Asür tenüngji Aakanksha (9) liasü ta jangjaogo,” ta police ketdangser kati ashi.
“Joko jana telung nungji shinga malitsü südi ta bilemer, saka mapabo teinyaktak lir,” ta paisa ashi.
Yasüng West Delhi, Vishnu Garden tesem nung kiji chirepba sülen iba lendong nung yirur arishi küm 50 Om Prakash tanep yakta süogo.
Ano tanüngba asür asemji arishi küm 20 nungi 33 tsüngdapur liasü. Iba lendong nungsa nisung 8 yiruogo.
Pezüben amentepa yangluba küm 25 tain chi chirepba kuliji bushisüngdangtsü asoshi Delhi nung AAP sorkari tuyuogo.
Delhi : Ki chirepba lendong nung nisung 5 asü added by nungsang on
View all posts by nungsang →
You must be logged in to post a comment Login