Delhi nüburtemi Sheila Dixit aser Congress bilemteter: Rahul

New Delhi, July 29 (Agencies): Yashi Parliament nung Congress tatong Tir, Rahul Gandhi-i osettsüset nung jenjang atuba atema Narendra Modi-i aniba sorkar aitsüba sülen maneni tanüa Uttar Pradesh yimtiba, Lucknow nung party nung inyakertem den jembidang pai Centre sorkar aija liasü.
Taruba Uttar Pradesh Assembly election nungbo sentong junga asameyanger tokteptsü ta shia Rahul Gandhi-i party  nung inyakertem dang, Uttar Pradesh ji temaba jenjangi ajungkettsü atema parnoki tokteptsü, ta ashi.
“Sentong yur tokteptsü,” ta pai ashi.
Party senden nungsa pai taoba mapang Delhi Chief minister, Sheila Dixit tenüng sanga jembiogo.
“Delhi nüburtemi Congress sorkar kübok Sheila Dixit-i yimsüsüba aser tesüiba kümtem menungraa bilemteter,” ta Congress lenirisa ashi.
Sangküm UP Assembly election nung party Chief minister candidate atema Congress-i taoba mapang Delhi CM asemben tashi inyakla, Sheila tenüng sangdongogo.
Osettsüset nung jenjang  atuba dak sentakba nung  Rahul-i, tan sorkar ya ‘Industrialist tem kija atema sorkar’ lir, ta ashi.
Dal nung jenjang kanga atuba dak sentakba nung Ato kilonser aija Rahul-i, “Kodang aluyimer kati pai züsentenba dal yokdir Modi-i pa nem sen 50 agütsür, ajisüaka kodang kasa aluyimer sang jagi market nung dal alidir pai sen 200 agütsütsüsa akumer,” ta ashi.