Delhi nung arishi küm 13 tetsür ka tashiyim agi raksatsü

New Delhi  June 28 (Agencies) : Delhi anülolen, Madipur  tesem nung arishi küm 24 tain, tebur kati arishi küm 13 tain tetsür ka tashiyim agi raksatsüba ajanga tang police-i pua lir, ta Mongulbarnü police-i ashi.
“Iba mapa tamajung inyaksang tenüngji Ravi ta jangjaogo. Pai Deobarnü iba aiür ya par kidangi jaoker yangji la tashiyim agi raksatsü,” ta police ketdangser tejen kati ashi.
“Aiürlai la dak atalokba lar tsüraburtem dang ashiba sülen onoki Ravi ibanüjisa apu,” ta kasa ketdangser jagi shisem.
Police ketdangsertemi ashiba agi, Ravi ya Delhi anülolen aliba Madipur tesem nung telidak aser tetsürlaji par kidanger lir.
Ravi anema IPC, Section 376 (rape) aser Protection of Children from Sexual Offences (POSCO) Act kübok case ka benokogo.