Delhi nung dengue sülen swine flu nungi kümdanga alitsü metetdaktsü

New Delhi, September 20 (Agencies) : Delhi nung dengue khuret mazüokteti aliba mapang ka nung ano health mongintemi Delhi nung alirtem dang swine flu nungi kümdanga alitsü osang metetdaktsüogo.
“Temekong mapang tonga arudang H1N1 influenza virus adoktsü aser swine flu tashidak belenshitsü. Iba tashidak ya mopung ajanga menateper aser iba jagi kanga kara belenshir” ta Safdarjung hospital nung Professor & Head of Pulmonary Medicine, Dr JC Suri-i ashi.
“Taintem, diabetes alirtem, tezüngjang mejungi alirtem, cancer agi shirangertem aser tanur bena aliba tetsürtem kanga kümdanga alitsüla” ta Dr JC Suri-isa metetdaktsü.
“Tang ya dengue mongpu lir aser iba sülen asükwa mapang swine flu adoktsü. Ajisüaka, onoki iba tashidak anema raratsü asoshi mozü, diagnostic kits aser tanga equipment renemogo” ta additional director in-charge of public health, Dr Charan Singh-i tanü metetdaktsü.