Delhi nung ‘Fukrey 2’ film tangoktsü tenzükogo

New Delhi, November 17, 2016 (Agenices): 2013 küm tangokba comedy film “Fukrey” shilem tanabuba Delhi nung tangok tenzükogo.
Iba film mezüng shilem nung shilem agisang actor, Ali Fazal-i Twitter ajanga iba comedy film tanabuba shilem indang clapboard aser script na noksa lemsatepogo.
“Renemogo, kanga anasa lir. Ni memunui Richa Chadha Varun Sharma aser Pulkit Samrat nunger den külemi shilem agitsü,” ta Ali-i noksa teküboklen zülua lir.
Actors Varun Sharma, Richa Chadha aser Pulkit Samrat nungera tang linük yimtiba, Delhi nung tetangokdak aliba film “Fukrey 2” nung shilem agitsü.
2013 küm iba film nung shilem agiba sülen nungi Varun dang tang tashi Choocha ta ajar aser pai, “Delhi-i apusor! ‘Fukrey 2’,” ta pa tayimtsü nung tangokba noksa ka teküboklen zülur tweet süa lir.
2013 küm tangokba film “Fukrey” ji Mrighdeep Singh Lamba-i direct asüba lir aser iba film nung Manjot Singh, Vishakha Singh aser Priya Anand nungeri tongti shilem agia lir.