Delhi nung garitem ‘odd-even’ inyakyim amshiba mapang school ajak shibangtsü

New Delhi, December 19 (Agencies) : Delhi nung ‘odd-even’ inyakyim anogo 15 tendangba mapang school ajak shibangtsü telemtetba agiogo.

Iba mapang public transport atema amshiba garitem nung school bus gari 2,000 bendenloktsü.

“January 1 nungi 15, 2015 tashi school ajak shibangtsü onok dang shidang aser nüngdak dang süra iba amaji inyaktsü mulunga lir. Sorkari school ajak sodi asütsü ta osang sangdongtsü” ta Delhi Deputy Chief Minister Manish Sisodia-i osangbener dang ashi.

Anogo 15 nü school tem shibangba ajanga kaketshir timtem balala majurutsü kechiyong nija school teimbaka December ita tatemlen nungi January mezüng hopta tashi ka sodisa angur.

Anogo 15 nü tendangba mapang Delhi nung senzüba bus gari anasü agi teimba senzüdaktsütsü aser iba asoshi school indang bus gari 2,000 bendenloktsü ta taoba mapang Delhi sorkari osang metetdaktsüogo.