Delhi nung KCP telungpur 2 apu

Guwahati, March 2 (Agencies): Manipur nung telungpur telok- Kangleipak Communist Party-People’s War Group (KCP-PWG) züngsem ana North Delhi kübok Burari tesem nung apu.
KCP-PWG züngsem anaji Laishram Mangoljao Singh aser Hijbur Rahman na lir aser tenaprong Manipu nungi lir ta jangjaogo.
“Deobarnü tena ya Nirankari Sarovar Bus Stand, Burari nung apu. Okadaki tena anema non-bailable warrants agütsüogo” ta police ketdangser kati ashi.
Singh ya KCP-PWG indang chairman aser Rahman-i iba telok atema senotsü lenmang bushitep, ta police ketdangserisa shisem.
Tenati tanga state tem nung KCP-PWG indang mapa inyak aser Delhi nung senotsü bendentsü atema mongzüka liasü, ta paisa ashi.