Delhi nung Nagaland House semdang

Kohima, April 23 (TYO): April 20 aser 21 anogotem nung Secretary Home and Engineer (H) Estate Division-i R.K Puram, Delhi nung tang Nagaland House tesüdak aser Dwarka nung residential flats tesüdak semdangogo.
Ketdangsertemi contractor den o lemtepa liasü aser mapang shitak nung item kiojen semzüka sorkari agizüka ketdangsütsü atema tongtibangba mapatem apir inyaktsü asoshi tetuyubatem agütsüogo.
Ano construction telokia tekaraba nung item mapa inyaktsü aser nüngdakba senotsü dang agütsüra ita 2-3 tsüngda item mapa tembangtsü, ta metetdaktsü.
Technical timtem madoktsü aser nüburtemi timtem majurutsü atema item mapa ya tekaraba nung tembanga inyaktsüla, ta tangatetba nung ketdangsertemi sorkar den jembitsü asoshi telemtetba agi.