Delhi nung odd-even scheme tembangba sülen mopung menenogo

New Delhi, January 22 (Agencies): Delhi nung anogo lemsar odd number garitem aser even number garitem anogo balala nung senzütsü atema benokba, odd-even scheme tembangba sülen anogo asem tsüngda mopung quality level, Particulate Matter (PM2.5) mejungi kumogo, aser iba scheme tembangba sülen mezüngü yongi shilem 57 dak tema menenogo, ta green body tentet kati ashi.

Centre for Science and Environment (CSE)-i, Delhi nung odd even scheme ajanga mopung merüka tajangzük anguba ano samaogo aser maneni asükwa mongpu mesüiba ajanga mopung taliba menentsü, ta ashi.

Parnokisa Delhi sorkar dang, tanüngba asükwa mapang nung maneni odd even scheme benoktsüla, koba ajanga gari senzüba tebilemtsü koktetba den mopung menenba kanga ajema akumtsü, ta mepishiogo.