Delhi nung Temsuyanger Lkr-i ‘Gods Summit’ Art sayatsü

Dimapur, April 09 (TYO): April 7-17, 2017 anogotem nung Main Art Gallery, Kamaladevi Complex, Delhi nung Temsuyanger Longkumer indang exhibition “Gods Summit” solo art sayatsü.
Nagaland nungi London nung amenoka aliba multimedia artist, Temsuyanger Longkumer-i pa indang tesüitba art mapa, ‘God’s Summit’; aser ‘SUPERSTARS, Portraits of Remarkable People I Have Met’ series nungi portraits sayatsü.
Baroda nung Graphics MA atemba sülen pa Delhi nung liasü aser 2001 küm London nung aliba Royal College of Art nung Printmaking study asü. Pa indang tesütiba mapaji “God’s Summit’ lir, koba ajanga puti tatalokbatem aser tanü putu tatalokbatem atema Tsüngremtem aser ainkartem tsüngda o lemtepba sayar.