Delhi nung ‘World Culture Festival’ tenzükogo

New Delhi March 11, 2016 : Sri Sri Ravi Shankar-i aniba ‘Art Of Living Foundation’ teloki asem nü amungtsü ayongba ‘World Culture Festival’, sentong tzünglu agi tera timtem agüjaka Hokolbar aonung nungi tenzükogo.
Ato Kilonser Modi-a iba sentong akaba tesemi nikongdang 5:30 ako meta arua atong.
Iba sentong nung adentsü asoshi nisung meyirjang aika adenshiogo aser anogo asem tashi nungbo nisung lakh aika adentsü. Nüburtem alima balala nungi adenshia alirtem ajak music aser tsüngsangba sentong nung adentsü imlar.
National Green Tribunal (NGT)-i iba sentong akatsü asoshi Sri Sri Ravi Shankar-i aniba telok nem tesem temelaba agütsüogo aser Delhi, Yammuna tzüküm nung iba benjung akadang raksarakpong atalokba asoshi temonok sen crore 5 agütsütsü asoshi NGT-i hopta asem mapang apuloktsüogo.