Delhi nungi anendaka alirtem aruba mapang Naga Elders temi yaritep

Dimapur, Aami/June 17 (TYO): Delhi nungi Naga nunger anendaka alirtem anir arutsü atema Nagaland sorkari Delhi sorkar dang mepishiba ama NFR Indian Raliway indang Delhi Division ajanga Super Express Special train, Delhi-Dimapur Shramik Special ka anepaluja anendaka alir nisung 582 tashi Delhi nungi Mongulbarnep Dimapur tongtsü.
Delhi nung aliba Nagaland House ketdangsertem, Naga nunger tantsü-tabu, DAAT COVID Relief Committee, Naga nunger kaketshir lokti tentet balala aser kija-kibong temi kanga meranga achayangba ajanga item nisungtem ya takok ngua tongtsüogo, ta sangdong ka ajanga ashi.
Naga tribal Unit balala aser kija-kibong temi tenlaba nungi Naga Elders in Delhi ajanga parnok nem chiyongtsü anepalutsü.
Naga Elders temi mepishiba ama Delhi Sikh Gurudwara Managing Committee-ia Ambedkar Stadium Delhi nung medical screening agiba mapang chiyongtsü tatsük-talem anepalua agütsü.
Delhi sorkar, Delhi police, NDMC aser DDa ajanga medical screening agia passenger tem jangjaba den parnok lenmang nung mezüng anogo achitsü atema chiyongtsü renema agütsü.
Railway Protection Force ajanga train nung security agütsü aser Locknow aser Patna Division nung aliba Government Railway Police temi parnok tesem nung security anepalua liasü.