Delhi nungi arurtem District balala tongaogo

Dimapur, Aami/June 17 (TYO): Delhi nungi arur parnok 99 Dimapur nungi Peren district-i June 16 nü tonga ogo. Parnok 99 rongnung tetsür 43 aser tebur 56 densema liasü.
June 16 nü GHSS Ground, Jalukie tonga aruba sülen medical team-i parnok temang tendang aser iba sülen District Administration-i renemja aliba quarantine centre temi lemdanger yok. District Administration-isa parnok nem chiyongtsü aser bedding renemja liasü.
Kasa mapang nung Delhi nungi arur parnok 18 NST bus ana nung mener June 17 anepdang 5:00 ako meta Kiphire jila tongogo. Parnok rongnung tetsür ana aser tebur 16 densema liasü. Deputy Commissioner Kiphire SaritaYadav-i anir DTF züngsemtemi parnok agizük aser parnok ajak nem chiyongtsü agüja liasü.
Maneni Delhi nungi meyipa arurtem ajak temang kanga junga asadangba sülen Loyola Higher Secondary School Kiphire nung lapoka aliba quarantine centre-i yok.
Tang tashi nung Kiphire District kübok Government Institution Quarantine nung nisung 201 mungdaki. Parnok rongnung nisung 199 Kiphire jila nung aser nisung ana Sitimi nung munga lir.