Delhi nungi nisung 580 Nagaland-i aruogo

June 16, 2020 nü Team Dimapur-i Railway Station Dimapur nung Special train ajanga arurtem pela agizükdang agiba noksa angur. (DPRO Dimapur)

Dimapur, June 16 (TYO): Mongulbar anüngdang 12:20 ako meta Delhi nungi nisung 580 mener apusoba Special Shramik Train ka Dimapur Railway Station tonga aru.
Tanü APC Nagaland aser Dimapur district COVID 19 incharge, Kikheto Sema, IAS, DC Dimapur, Anoop Kinchi IAS, Secretary Food & Civil Supplies, Honje Konyak, Commissioner of Police, Rothihu Tetso, CMO Dimapur Dr Tiasunep, sorkar ketdangsertem aser arogo lennirtemi tarurtem pelaa agizük.
Iba train nung arur nisung 580 rongnung Dimapur nungi parnok 211, Mon nungi 28, Tuensang nungi 41, Longleng nungi 5, Kiphire nungi 18, Phek nungi 53, Zunheboto nungi 24, Mokokchung nungi 12, Wokha nungi 27, Peren nungi 96 aser Kohima nungi 65 dena liasü.
Dimapur railway station nung tarurtem ajak medical screening asü aser iba sülen chiyungdaktsür pei pei district-i yok.
Dimapur nungi nisung 211 ji Agri expo-i anir ao aser idakji nüngdakba teinyaktsütem inyaker quarantine centre temi yok.
Tangalen anendaka aliba Naga nunger anir autsü atema Nagaland sorkari anepaluba special train tatembangbaji tanü aruba train ya liasü.
Nagaland sorkari anepalua anir aruba train ajak Team Dimapur-i agizük aser tanü parnoki train tenetbuba agizüka anepaluogo.