Delhi Open: Bhupathi o Bhambri na tebur doubles final-i iogo

New Delhi, February 19 (Agencies): Tan mezüngsüa aroki lungjemer asayar, India nunger Mahesh Bhupathi aser Yuki Bhambri nati tang tasayadak Delhi Open tennis asayamong tebur doubles final asayatsü jenjang tanü, Hokolbar nü ajangzükogo.
Bhupathi o Bhambri nati tanü points 6-1, 6-3 ngua Chinese Taipei nunger Jimmy Wang aser China nunger Ze Zhang na semifinal asaya nung tsükdaktsü.
Tenati külem sensopur, Saketh Myneni o Sanam Singh na den final nung ajuruteptsü.
Tan asayamong nung 4 buba jenjang nung alir, Myneni o Singh natia points 6-3, 6-3 agi Italy nunger Flavio Cipolla aser India nunger Divij Sharan na madak semifinal asaya nung takok ngua final asayatsü jenjang angu.
Tebur singles shilem nunga Myneni-i points 6-4, 6-1 agi China nunger Zhe Li quarterfinal nung tsükdaktsüba sülen semifinal-i aiba osang jangjaogo.
Myneni-i India nunger Prajnesh Gunneswaran madak points 6-3, 6-2 agi quarterfinal asaya akoksang, Belgium nunger Kimmer Coppejans den semifinal asayatsü lemzüka lir.