New Delhi, February 17 (Agencies): India’er tennis asayar, Saketh Myneni aser Ankita Raina nati pei asaya koka tang tasayadak ATP Challenger asayamong, Delhi Open tebur aser tetsür quarterfinal asayatsü jenjang tanü, Bodbar nü ajangzükogo.
Tan asayamong nung 4 buba jenjang abensang, Myneni-i points 6-3 6-4 ngua Australia nunger Matthew Barton tebur singles 2 buba round asaya nung tsükdaktsü.
Myneni-i India nunger Vishnu Vardhan madak points 3-6 6-3 6-3 agi takok angusang, China nunger Zhe Li den quarterfinal nung ajuruteptsü.
Ankita-ia points 6-1 6-4 ngua Russia tsür, Marina Melnikova tetsür 2 buba round asaya nung ayong ayonga tsükdaktsü.
Arishi küm 23 tain Ankita-i Russia tsürsa, Anna Morgina den quarterfinal asayatsü lemzüka lir.
Anna-ia tanü points 6-3 6-7(3) 6-3 ngua France tsür, Reix Sherazad madak takok ngua quarterfinal asayatsü jenjang angu.
You must be logged in to post a comment Login