Delhi police 90,000 atema bulletproof jacket 250 dang lir

New Delhi, January 14 (Agencies): Tawa kiralongrartemi Punjab nung Pathankot airbase amakba sülen linük tesem aika kanga kümkümshia kümogo, ajisüaka item ama amakba azüoktettsüsa police inyakyim renema mali.

Kanga tesüngmangtsü osang ka jungkai adokogo, aser iba osangji- Delhi police 90,000 nungi police 250 atema dang injang agi mekapoktetba ‘jacket’ lir.

TOI nung osang ka ajanga ashiba agi, bulletproof jacket 250 nungi tesadang kabo New Delhi district high security tesem nung aliba police temi amshir.

Iba dak alia jacket 250 ji-a ghonda aika asemtsü atemabo kanga taret, kechiyong jacket shiaji touzük seret 11 lir.

Kasa osang ajangasa, kiraongrartemi amakba balala azüokettsüsa renema alitsü atema tangbo Delhi Police-i bulletproof jacket peria alizüktsü mepishiogo.

Tangbo commando atema bulletproof jacket tasenji seret 5 dak tema masütsü imlar, aser yimti yimdong nung police atemabo jacket ji seret tesadang ka nungi seret 3 tashi dang asütsü.