Delhi police-i osangbener ka pua lir

New Delhi, May 14 (Agencies) : AYUSH Ministry nung anguba telangzüba ka nung talila bendenloker prokba atema Milli Gazette atema osangbener Pushp Sharma Delhi Police-i Honibarnü pua lir
“Taküm March ita nung pa anema Kotla Mubarakpur Police Station nung benoka aliba den santaktepba nung tiyazü jembia tangar ashioktsüba, osang tai prokba aser tamangba yimsü balala den kin balala tsüngda telemsa adokdaktsüba nung aitsür apu,” ta Additional DCP (South) Nupur Prasad-i ashi.
RTI-i pai asüngdanga züluba shidi ka langzüba nung Ayush Ministry-i yoga sayutsü atema Muslim yimsü amanger magir ta ashiba lir, ta Pushp Sharma-i Milli Gazette website nung adoktsü.
Sorkari asüngdangyadang dena iba osangbener yagi pai website nung lemsatepbaji shitak, ta dang ashir.