Delhi Police-i tanur 13 kinunger den ajurutepdaktsüogo

New Delhi, July 28 (Agencies): Linük tesem balala nungi arua Delhi nung atsükoka alir tanur 13 tashi pei kinungertem den ajurutepdaktsüogo, ta Mongulbar nü Delhi Police-i metetdaktsü.
“Arishi küm 12 nungi 16 tsüngda alir tanur 13 parnok kinungertem den ajurutepdaktsüogo,” ta police nung Joint Commissioner Ravindra Yadav-i ashi.
“Item tanurtem ya Uttar Pradesh, Bihar aser Delhi tesem balala nungi liasü,” ta Yadav-i ashi.
2014 küm ‘Anti-Human Trafficking Unit’-i “Operation Milap” tenzükba sülen tang tashi nung Delhi Police-i tanur 155 tashi parnok kinungertem den ajurutepdaktsüogo.
“Onok ketdangsertemi tanur ayuba ki ajak, railway station aser tanga tesem aika nung samar magu aliba tanurtem bushia jaja. Kechi südir süaka onoki item tanur tsüraburtem metettsü meranga parnok lungjemdaktsü,” ta paisa ashi.
Yadav-i ashiba agi, tanur timba ka mapa bushia parnoki sasa ki toktsürtem liasü.