Delhi Police-ji Kejriwal’er kinunger ka anema bushisüngdanger

New Delhi, January 24 (Agencies) : Delhi Police-i Delhi Chief Minister Arvind Kejriwal’er kinunger ka anema ochimashi ken o benoka bushisüngdang ka tenzükogo.
NGO kati ken o benokba nung ajemdaker Delhi Police nung Economic Offences Wing-i Kejriwal’er kinunger kati ochimashi mapa inyakba kulitem bushitsü tenzükogo.
Iba nisungji Renu Construction kibur Surender Kumar Bansal lir aser pai Public Works Department nem taila bill aser invoice tem agüja sen aika auyazüka agi ta tai tonglokja lir.
NGO Roads Anti-Corruption Organisation (RACO)-i benokba ken o ashiba agi, Bansal-i government contracts angutsü atema tiyazü telok tenüng aika amshi aser pai PWD ketdangsertem den miima gari lenmang aser kilentzü ayimdak yangluba mapa nung sen aika auyazüka agi.
Bansal nem lemzüktsüba mapatem ka dang tembanga meinyak saka Kejriwal-i tebang aiba ajanga pa nem sen tagütsütsü ajak agütsü, ta NGO RACO-isa metetdaktsü.
Taoba Hokolbarnü RACO-i okadak ken o ji benok aser iba mapang parnoki Kejriwal, Bansal, aser PWD ketdangser ka anema FIR benokang ta takhangba agütsü.
Iba ken o atema February 2 nü Metropolitan Magistrate Abhilash Malhotra-i tetuyuba ka agütsütsü.