Delhi Police nung North-East nisungtem anioker

New Delhi, December 12 (Agencies): Delhi nung northeast nisungtem anema mapa inyakba azüoktsü nükjidong nung India sorkari Delhi Police nung north-east nisungtem anioktsü atema mapa inyaker.
Iba mapa ya Delhi Police nung Joint Commissioner (Training) Robin Hibu lenisüba kübok inyaker. Robin ya Special Unit for NE Region aser Special Unit for women & children nunga Nodal Officer inyaker aser pa ya Arunachal Pradesh nungi mezüngbuba IPS ketdangser lir.
Delhi Police force nung North East state tem nungi nisung 610 anioktsü aser iba asoshi Mizoram, Meghalaya, aser Arunachal Pradesh nungi candidate indang ‘recruitment tests’ agiogo aser tang Nagaland, Assam, Tripura, Sikkim, aser Manipur state tem nungi candidate results adoktsü atema mapa teinyakdak lir.
Delhi nung northeast nunger nütsüng lakh 7 den timba lir aser Delhi Police nung northeast nunger nisung 50 majung lir.
Delhi Police nung DCP ka kübok northeast nisungtemi atema special Helpline ka lir aser kodangsa north-east nungi senso kar nem temeten magütsüdir pai/lai Delhi Police den 1093 ajanga tongteprateptsü akok.
Anosa, timtem ajuruba mapang WhatsApp mobile no. +919810083486 (Nodal Officer) den tongteprateptsü akok. Northeast indang helpline ji north-east nungi police 44-i acha-ayanger aser parnokji state shia nungi nisung 5-7 tsüngda shimokba lir. Delhi Police densa (www.dpfne) aser Facebook page (www.facebook.com/dpfne/) ajanga tongteprateptsü akok.