Delhi Public School annual sports day mungogo

Dimapur, Tsüklai/February 16 (TYO): DPS Dimapur Annual Sports Day February 15, 2019 nü DPS Dimapur grounds nung asayaogo. Iba sentong nung Dimapur, Deputy Commissioner Kevekha Kevin Zehol tongti tesemdanger liasü.
Asaya balala nung kaketshirtemi asayaba yimya tajung balala den Drills, Zumba, Yoga, Naga nunger sobaliba tsüngsang aser India nunger tsüngsang balala ajanga sentepa aliba nüburtem jangrademdakja liasü.
Tongti tesemdangeri o jembiba mapang kaketshirtem dang pei dak aketba sempet bushiteta temaba jenjang atongtsü aser lokti terenlok asoshi inyaktsü ajungshi. Class IX C nung azünger Ghotsothung Quinker aser Class XI C nung azünger Lumaren Walling na nem best athlete (tetsür, tebur) award agütsü.
Best March Past award Tizu House-i angu aser Champion’s Trophy Milak House-i angu. Asaya tembangba sülen school wako atsüzüka Delhi Public School Dimapur, Pro Vice Chairman, Dr. Aotoshi-i 2018-19 Annual Sports Meet tembangba sangdonga liasü, ta ketdangser sangdong ka ajanga metetdaktsü.