Delhi sorkar-i Ajay Devgan dang Pan masala advertise masütsü tuyuogo

New Delhi, March 11 (Agencies): Delhi sorkar, Health Department-i Bollywood actor, Ajay Devgn-i moko agi yangluba chiyungtsütem advertise asüba atema temetetdaktsüba ka agütsüogo.
Cigarette & Other Tobacco Product Act 2003 kübok section 5 nung moko chiyungtsütem direct aser indirect advertise asüba nokdangogo, ta sorkari ashi.
Ajay Devgn nem temetetdaktsüba nungsa “Iba dak sentakba nung shia aliba paan masala ji gutka aser moko chiyungtsütem ajungkettsü atema advertise asür, koba ajanga talirtem, talisa tanurtem dang lenmang tamajung sayur, iba den külemi COPTA 2003 kübok iba ya nüburtem anema-alibaren anema lir,” ta ashi.
Health department-i Ajay dang, “COPTA section 5 ji moko tobacco company atema lir, ajisüaka advertisement nung shilem agiba ajanga na-a (Ajay) iba Act kübok section 5 alema inyaker ka akumer,” ta ashi.
“Anungji iba shidi ajanga nü dang item ama advertisement nung shilem magitsü tuyur, koba ajanga talirtem dang lenmang tamajung sayuba dang masü saka moko agi yangluba chiyungtsütem ajungkettsür,” ta Additional Director (Health), S K Aroro-i ashi.
Taküm January ita nunga Health Department-i Bollywood actor tem—Shah Rukh Khan, Saif Ali Khan, Govinda, Arbaaz Khan, Sunny Leone aser Ajay Devgan nunger dang, pan masala chiyungtsütem majungkettsütsüla, kechiyong item nungji cancer tashitak adokdaktsüba agent, areca nuts lir, ta metetdakja liasü.