Delhi sorkari Kejriwal’er Principal Secretary Rajendra anentsüogo

Delhi, July 06 (Agencies): Bodhbarnü Delhi sorkari Chief Minister Arvind Kejriwal’er principal secretary, Rajendra Kumar mapa nungi anentsüogo.

Tang Rahjendra ya ochimashi ken o dak sentakba nung CBI ket nung lir.

Temzüng kübok, ketdangser ka ghonda 48 tashi pua yura idangyongjisa mapa nungi anentsütsüla.

CBI osang ajanga ashiba agi, Kumar-i pa official menden tim mesüi amshia M/s Endeavour Systems Pvt. Ltd. nem contract agütsü aser 2007-2014 küm tsüngda iba company atema sen crore 9.5 jenjang sorkar tenders agizükba nung ajemdaker pa nem tai tongloktsü.

July 05 nü special court kati Kumar den tangar nisung pezü CBI ket nung agütsü.

Court-i Kumar den nisung pezüji CBI ket nung anogo pongunü agütsü.

Kumar dak alia tangartemji- Kejriwal’er office nung Deputy Secretary, Tarun Sharma, Kumar den yaritepa inyaker, Ashok Kumar aser Endeavour Systems Pvt Ltd (ESPL) nung director tem- Sandeep Kumar aser Dinesh Kumar Gupta nunger lir.

Kumar ya July 04 nü apu. Contract mapa pongu pusemba dak sentakba nung pa anema CBI-i IPC kübok section 120-B aser Prevention of Corruption Act (Criminal conspiracy, criminal misconduct etc) kübok section 13(2), 13(1)(d) kübok ken otem benok.

CBI-i, Kumar anema Indian Penal Code (IPC) Section 120-B kübok aser Prevention of Corruption Act nung aliba ozüngtem kübok ken o benokogo, ta metetdaktsü.

CBI osang ajangasa ashiba agi, 2006 küm mezüng tenzükba sen crore 50 ochimashi ken o nung tongtiji Rajendra Kumar kümogo.