Delhi sorkari MRI & CT Scan angati agitsü teyari agütsür

New Delhi, December 6 (Agencies) : Delhi sorkar indang mozüki 10 nung temang manemi amungertemi nija laboratories 7 nung MRI aser CT scan angati agitettsü.
Sorkar mozüki 10 nung anepaluba nisungtem, shirnok küm nung family income sen lakh 3 tashi dang angur aser Delhi nung küm asem tashi alirtemi iba teyari agitsü akok.
Teyari aginürtemi pei indang income certificate aser aadhaar card, ration card mesüra driving licence amala residential proofs agütsütsüla.
Taküm February ita AAP sorkari sorkar mozüki ajak nung MRI aser CT Scan facility angati agitettsü ta osang metetdakja liasü.
“Mozüki ketdangsertemi tuyuba shirangertemi, NABH accredited centres 7 nung MRI aser CT scan angati agitettsü. Ajisüaka, parnoki tamasa item labs den jelia osang metetpelaba sülen ang teyariji agitsü akok” ta Mongulbarnü Health Minister, Satyendar Jain-i ashi.
“Centre-i latetja aliba CGHS jenjang nung aliba ama Delhi sorkari item labs nem sen menoktsü” ta paisa shisem.
Sorkar mozükitem, GB Pant Hospital, Lok Nayak Hospital, GTB Hospital, DDU Hospital, Dr. BSA Hospital, Rajiv Gandhi Super Speciality Hospital, Janakpuri Super Speciality Hospital, Institute of Human Behaviour and Allied Sciences, Delhi State Cancer Institute aser Chacha Nehru Bal Chikitsalaya nung anepaluba shirangertemi iba teyari angutsü.
Parnoki, Dr. Anands Imaging Centre (Preet Vihar), Dr. Gulati Imaging Institute (Hauz Khas), Focus Imaging & Research Centre (Green Park Extn), Ganesh Diagnostics & Imaging Centre (Rohini), Mahajan Imaging Pvt. Ltd (Hauz Khas), Platinum Imaging Centre (Dayanand Vihar) aser Saral Advanced Diagnostics (Pitampura) nung angati MRI aser CT Scan agitsü akok.