Delhi Waverider telok HIL semifinal tongogo

New Delhi, February 17 (Agencies): Delhi Waveriders teloki goal 6-0 agi Kalinga Lancers telok madak tatembangba pool asaya nung takok ngua tang tasayadak Hockey India League (HIL) asayamong semifinal nung shilem agitsü jenjang tanü, Bodbar nü ajangzükogo.
Skipper Simon Child aser Parvinder Singh nati field goal kaka agütsüba den külemi, Rupinder Pal Singh-i goal 2 tashi agütsüba yong par Delhi teloki tanü goal 6-0 agi Kalinga telok madak ajemshia takok angu.
Tan HIL asayamong nung field goal shia goal 2 ta züngoktsü lateta lir.
Tanü asaya nung Delhi goalkeeper, Devon Manchester-ia goal ka danga magütsüdaktsüi kangasa junga asayaba ajanga par teloki takok ngua points 5 tashi ajangzükba osang jangjaogo.
Tanü takok anguba sülen Delhi teloki 6 buba aser tekübokba jenjang nungi 3 buba jenjang tonga atuba den külemi, defending champions, Ranchi Rays telok den tan Honibar nü semifinal asayatsü jenjang angur lir.
Tanü tamakok ngua aka, Kalinga teloki taoba asayatem nung takok ngua temaba telok tarensen nung 4 buba jenjang ajangzüka semifinal asayatsü temeten nguogo.
Par telok ana jakdang Rays aser Jaypee Punjab Warriors telok nati 1 buba aser 2 buba jenjang ngua semifinal asayatsü jenjang ngua lir.

You must be logged in to post a comment Login