Delhi:Police den kahteper punga pua lir

New Delhi, August 21 (Agencies) : Delhi anülolen Rohini tesem nung police aser ozüngi ashi mangar telok na kahtepba mapang gari ka tagitsü mali kahsa aser police constable ka den ozüngi ashi mangar nisung ana yiru.
Deobarnü kahtepba mapang police-i aputsü bushia aliba, ozüng kübok meliteter nisung ana yiru aser tena tang police-i ket nung lir, ta deputy commissioner of police (Outer Delhi) Vikramjit Singh-i ashi.
Iba lendong ya Deobarnep 10:15 ako nung atalok, ta Vikramjit Singh-i ashi.
“Sultanpuri nung aliba police temi item nisungtem swift gari temesüng ka nung arudar ta osang agütsü, anungji onoki iba gari ajiteta sot nung parnoki gari telung nungi injang akahtsü tenzük. Idangji parnok rongnung ka gari nungi alur jena aotsü meranga lia police-i pa dak akah,” ta Vikramjeet-i shisem.
Teyirurtem mozü kidang yaridar aser iba dak sentakba nung nisung pungo pua lir.