Deltin Group-i ESTI nung campus interview ka ayonga agi

Dimapur, Metsüremi/March 27 (TYO): Goa nung amendaker aliba India nung offshore Casino, Gaming, Cruises & Hotels group rongnung tajungtiba rongnung ka; Deltin Group puri Emporium Skill Training Institute, Half Nagarjan, Dimapur nung March 25, 26 aser 27 nü campus interview ka agiogo. Interview ya Ashutosh – Human Resource Manager, Srinath Mahajan – Operations Manager (Casino & Gaming Division) aser Reema Pilgaonkar – Human Resource Executive nungeri agia liasü.
Iba interview ajanga kakteshir 81 shimogo aser parnok nem Deltin Cruises, Casino, Hospitality aser Gaming Department tem nung mapa inyaktsü asoshi maongka agütsüogo. Kasa mapang nung Deltin Group puri parnok indang mezüngbuba cruise line company India nung 2019 August tashi nungbo amenoktsü aser parnok India, Singapore, Malaysia aser tanga south east Asian linüktem nung senzüktsü.
Emporium Skill Training Institute pur Deltin Group den official recruitment partner asütsü atema 2019 küm February ita tenangzüktepba ka zülutepogo aser tang mezüngbuba campus interview ka kaogo.
Tang shimmer aliba kaketshirtem nem talidak ki angati agütsüba den mapa inyakba mapa chiyongtsü angati aser Medical, Provident Fund, Gratuity amala maongka den ita shia meyirejang 18 nungi 25 tashi agütsütsü offer süogo, ta Emporium Training & Consultancy Pvt Ltd Operations Manager, Anirban Mukherjee-i sangdong ka ajanga metetdaktsü.