Demi Lovato aser Wilmer Valderrama na pilaogo

June 08, 2016: Tawa Taylor Swift aser Calvin Harris na pilaba aser Zayn Malik o Gigi Hadid nata pilaba sülen tang tesüsa kentener, Demi Lovato aser tedong actor, Wilmer Valderrama nata pilaogo.

Hokolbarnü tenati külem sangdong ka ajanga tena pilaba osang sangdonga, Küm trok jungnüa külemi lia kanga meimtepa aruba sülen tena pilatsü lemtetogo ta metetdaktsü, ta aceshowbiz.com osang ajanga ashi.

Instagram nung sangdong ka ajanga Lovato aser Valderrama nati, tena atema iba telemtetba agitsüji kanga tasak liasü, ajisüaka tenati tembar tajung asüba tajungba asütsü ta rajema aru, ta metetdaktsü.

“Küna teti kati ka nungittsü. Küm aika küna nungitba aser temeim sayuba atema nenok ajak dang pelar,” ta tenati kasa sangdong nung shia lir.

Iba dak alia tena pilaba kuli tejangja memetet. Taküm January ita nung ena medemer küm trok ajungba benjung munga liasü, aser tena külemi tatemsa May 22 nü Las Vegas nung Billboard Music Awards sentong nung angu.