Demi Lovato-i documentary ka nung tongti shilem agitsü

Los Angeles, May 5 (Agencies) : Kentener aser actress Demi Lovato-i YouTube documentary ‘”I Am: Demi Lovato” nung shilem agitsü asoshi ajak renemogo.
“Confident” ken atenla, Lovato-i la kensep tasenba aser la küm tepiyong kentena jajatsü sentongtem la sapurtem den terara lemsateptagi, ta osangbenertemi ashi.
“Taküm küm tenzüker tang tashi ya ni asoshi kanga temelenshi adokba küm ka lir aser ni sapurtem nema kü ken aser ni ajangshibatem metetdaktsüner,” ta lai ashi.
Arishi küm 24 tain, Lovato-i, “Ni sapurtemi reprangtettsüsa ni iba documentary nung shilem agitsü maongka anguba atema kanga pelar,” ta ashi.
“I Am: Demi Lovato” documentary ya YouTube nung May ita tatemlen sayatsü.