Demi Moore indang tzü awaba pool nung tasümang ka angu

July 20, 2015: Actress Demi Mooer’er kidang aliba tzü awaba pool nung Deobar nü arishi küm 21 tebur tasümang ka nguogo.

Los Angeles Police Department Officer Lopez-i ashiba agi, iba tatalokba nungji mulung melemtettsüsa kecha mali aser nisungbaji arakseta asü südi.

Lopez-isa, asürji nisung pezü-pongu senden ka nung dena liasü ta ashiba people.com. osang ajanga metetdaktsü.

Iba mapang nungji arishi küm 52 actress Moore bo kidang maliasü, saka la assistant bo liasü, ta police-i ashi.

Sangdong ka ajanga Moore-i, “Ni kanga aoksaogo. Iba osang angashiba mapang nung birthday benjung ka nung adentsü aser jalatem ajurutsü atema ni linük toktsür ainlen liasü. Lanur ka taküm samaba tatalokba atema sasar aser lanursang kibong aser par medemertem dena tejashi lemsateper,” ta ashi.

Moore’er kiyonger kati ashiba agi, Moore’er tanur aser taoba mapang la kinungbu Bruce Willis iba kidangji telidak liasü aser anogoshia aser aonungshia party ayongzüka liasü.

Ajisüaka police-ibo, tasümang anguba mapang nung Moore’er kibong züngsembo kidangji maliasü, ta ashi.