Demonetisation anema anogo asem longkak aittsü: TMC

Guwahati, January 06 (Agencies): Centre-i demonetisation mapa inyakba anema India linük ajunga nung Trinamool Congress (TMC) teloki longkak aittsü, ta TMC tatong-tir aser MP Mukul Roy-i tanü metetdaktsü.
January 9 nungi 11 tashi state ajak nung demonetisation anema longkak aittsü aser iba sentong Assam nunga agitsü, ta Roy-i Guwahati nung osangbener den jempidang shia liasü.
Iba sentong nung aliba ama Assam nung January 11 nung iba longkak aittsü renema lir.
Central party lennir aika iba longkak aitba sentong nung shilem agitsü aser jembitsü, ta paisa shia liasü.
Kanga ajungbena November 8 nung central sorkar-i linük nung demonetisation sangdonga liasü.