Demonetisation aser GST ajanga sen amshiba ajemtsü: Jaitley

New Delhi, July 22 (Agencies): Honibarnü Union Finance Minister, Arun Jaitley-i, demonetisation aser Goods and Services Tax (GST) benokba ajanga linük nung sen amshiba ajema akümtsü, ta metetdaktsü.
New Delhi nung Finance Ministry-i ayongzükba “Delhi Economics Conclave 2017” nung jembidang Union Minister-i, “Demonetisation den külemi Goods and Services Tax (GST) benokba ajanga sen amshiba ajema akumtsü, aser ibaji ajanga digitization ajungkettsütsü,” ta metetdaktsü.
Jaitley-i ashiba agi, demonitisation aser GST naprongla ajanga digital transactions jenjang kanga ajungketogo, aser direct aser indirect taxes jenjang tajungba kumogo.
“Direct aser indirect saru agütsürtem taliba akumba ajanga digitisation-a ajungketba temaitsütem angur,” ta paisa ashi.
Jaitley-isa, sorkar mezüngbuba mera tajung ka agibaji, bendang linüktem nung ochimashi sen rizüngba aser tangar tenüng nung kiojen alizükertem nem temerenshi agütsütsü lemtetba liasü, ta ashi.
Yaküm November 8 nü sorkari demonetisation sangdonga liasü aser Parliament House anaprongla nung GST agizükba sülen taküm July 1 nü nungi tenzüka mapa küma inyakdar.