Demonetization ajanga rongsenkettsüng maintsü akok: Tir

New Delhi, January 05 (Agencies): Brihostibarnü Tir, Pranab Mukherjee-i, black money aser ochimashi anema raratsü atema ‘demonetization’ benokba ajanga khen atema rongsenkettsüng ainba anüa akumtsüa akok, ta metetdaktsü.
Rashtrapati Bhavan nungi video conferencing ajanga Anghtem den Küm Tasen salem lemsatepdang Tir, Pranab-i, “Sensakertem timtem ajema kümdaktsütsü atema asenok ajak tali kümdangtsüla,” ta ayongzük.
Paisa, “Election junga agiba ajanga asen democracy ya alima nung tajungtiba rongnung ka kümogo. Election ajanga tangatetba, inyakyim tajung aser nüburtem yimtenren sayur. Ibaji ajanga nüburtem tashi sayur aser sorkar nem tashi agutsür,” ta ashi.
Paisa, tamangba lokti balala tsüngda tajung bilemtepa temeimtep alitsüla, ta ayongzük.
“Lokti temeyoktep aika aliba asen democracy linük ka nung taremzüktep aser akhümtsübutep alitsüla. Itemji wazüka ayutsüla,” ta paisa shisem.