DENCU-i nübodoka mapa inyak

Dimapur/Delhi, Rongjui/September 08 (TYO): Tanü, Rongjui 8 nü Delhi Eastern Nagaland Student Union (DENSU)-i ayongzüka 29-Dr. A.P.J.Abdul Kalam Road Nagaland House, New Delhi nung nübodoka mapa inyakogo, ta tanü PRO(IPR) Nagaland House, New Delhi, Kuolie Mere-i sangdong ka ajanga metetdaktsü.
Kaketshir 50 shi den DENSU lenir tainten kari tang mezüng compound ajak merükteta liasü, iba denji külemi panoki Nagaland House moapu nung aliba Morung-a yanglushia mongogo.
Eastern Nagaland Students-i tanü nübodoka mapa inyakba ya takok ngua inyaktetba sentong rongnung ka asütsü.
Nübodok mapa nung Deputy Resident Commissioner, Kethosituo Sekhose, CAWD Engineer Sungti Amer, Dr. Hentok Phom aser Press Relations Officer, Kuolie Mere nungera densema liasü.