Denmark Open: Jayaram 2 buba round-i iogo

Odense, October 19 (Agencies): India nunger badminton asayar, Ajay Jayaram aser H S Prannoy nati par asaya koka, Denmark Open badminton asayamong tebur singles 2 buba round asayatsü jenjang tanü, Bodbar nü nguogo.
Ajisüaka, külem asayar, Sai Praneeth-i tamakok ajurua, tan asayamong nung joko toktepa shilem magitettsüsa jenjang tamajung ajuruogo.
Taoba hopta tembangba Dutch Open tebur singles finals nung tsüksang, Jayaram-i points 21-15 21-16 agi Thailand nunger Boonsak Ponsana 1 buba round nung tsükdaktsü aser pai par taruba round asaya China nunger Shi Yuqi aser Denmark nunger Jan O Jorgensen na rong nung takok angur den asayatsü.
Prannoy-ia ghonda 1 ser minute 3 shi nung points 21-13 19-21 22-20 ngua, Malaysia nunger Wei Feng Chong tsükdaktsü aser paia Malaysia nunger Lee Chong Wei aser Hong Kong nunger Wei Nan na rong nung takok angur den par taruba round asayatsü.
Ajisüaka, Praneeth-i tanü asaya nung points 17-21 21-19 15-21 dang ajangzükba yong Thailand nunger Tanongsak Saensomboonsuk-i pa 1 buba round nung tsükdaktsü.
Ano külen, tebur doubles shilem nunga Rio Olympics nung India tenüng nung shilem agir, Manu Attri aser B Sumeeth Reddy nati points 10-21 19-21 ngua, Denmark nunger Kim Aastrup aser Andes Skaarup Rasmussen na nem par 1 buba round asaya kokdakja liasü.