Denmark Open: PV Sindhu tsükogo

Odense, October 21 (Agencies): India’er Rio Olympics silver medallist, PV Sindhu-i tang tasayadak Denmark Open Super Series Premier badminton asayamong nung joko toktepa shilem magitettsüsa jenjang tamajung yashi, Brehostibar nü ajuruogo.
Tan asayamong nung 6 buba jenjang abenla, Sindhu-i points 13-21, 23-21, 18-21 ngua, Japan tsür, Sayaka Sato nem par tetsür singles 2 buba round asaya kokdaktsü.
Sindhu dak alaka, külem sensopur Ajay Jayaram aser HS Prannoy natia tebur singles 2 buba round nung tamakok anguba ajanga India teloki tan asayamong nung joko shilem magitettsüsa jenjang tamajung ajuruogo.